Gaur amaitu dira Inturia presa eraisteko lanak, eta hori dela eta, berriro zabaldu da Plazaolako Bide Berdearen zati bat, lanak egin diren inguruan itxita egon dena.

13 m-ko altuera duen presa honek erabat zatitzen zuen Leitzaran ibaia. 4 fasetan aurreikusi zuten oztopo hori kentzea: 2 fase POCTEFA GURATRANS proiektuaren barruan eta beste 2 LIFE IREKIBAI proiektuaren testuinguruan.

Fase bakoitzean presaren altuera proportzional bat murriztu zuten, eta jarduera bakoitzaren ondoren, urtebeteko tartea utzi zuten, ibaia aldaketa horietara pixkanaka egokitzen joan zedin. Planteamendu hori aldatu egin zuten azken fasean, eta hala, laburtu egin zuten itxarote-denbora, Bide Berdeari eragiten zion higadura-arazo bat larriagotu ez zedin, eta dagoeneko konpondu eta berriro zabaldu dute publikoarentzat.

Makinak erretiratu direnez gero, amaitu da Leitzaran ibaiaren egoera ekologikoa hobetzeko helburua zuen prozesu luze hau. Udazkena – negua etorri arte zain egotea besterik ez zaigu geratzen orain, kokatuta dagoen inguru horrek berezkoak dituen espezieekin (haltzadi kantauriarra eta baso mistoa) oihaneztatzeko.